天文台話會橫過大平洋......



 

天文台話會橫過大平洋......

COPY FROM UWANTS..

咁搞笑~

有冇咁癲丫...

雖然係未必吹到過黎...

但係真係好搞笑...

次次打親風天文台都比人插到扒街..

今年次次我都day off先打風..

諗住打風又放假係好唔好彩..

點知今次要番工仲仆街..

係uwants見到呢個post..

講哂我心諗既野..

成6點先掛8號......走果陣已經係8號...
掛實8號先返得屋企, 行到出街有意外可以告邊個???
咁危險, 有咩事, 保險仲要唔保家bor...
告公司??? 告天文台??? 告政府唔立例??
咩咩咩建議僱主掛8號波2個小時前俾員工離開...
但老闆話... 走你條毛... 唔掛實都唔比走!!!
但係...佢只係留下lee句說話... 自己就走左佬...
大佢?? 要求走?? 咁到時老闆要求你唔好做lee份工?? 咁你點丫?? 咪自己羅黎衰...
係咪打工仔唔係人呀??? 唔通學d人咁, 拎綜援唔做野, 咁叫好呀...? 咁黎對我地???
都唔知d天文台人員, 政府高官有無試過"在掛緊8號波"的情況下坐"共交"收工返屋企又或者試下在街企一陣...
橫風! 橫雨! 排隊等車! 塞車! 無車(有錢坐的士都無車你叫)!
(boni:其實我等緊車個陣都覺得好無助..咁多架bus..架架full冇架上到..等左廿架都有..等左成個中都未上到車..)
變落湯雞! 吹爛遮(咁大風,人都企唔穩啦...唔好話遮會爛丫...!)
唔知會唔會有野跌落黎俾野掟死...
唔知會唔會隨時俾"古樹"壓死...
唔知會唔會又有垃圾桶飛埋黎...
唔知會唔會有車滑呔撞埋黎...
打颱風，好多危險發生o家嘛... 仲要我地打緊"8號颱風"先走得...?!?!?!
要幾麻煩有幾麻煩！要幾傍惶有幾傍惶！要幾危險有幾危險！要幾驚有幾驚！
有咩事... 死Q左, 做左鬼無黎搵邊個找晦氣丫??
唔好彩, 唔死得, 但殘廢左搵邊個拎賠償丫?? 就算賠到一大筆錢又可以點?


 

今朝番工個陣一號波已經好大風架喇..

上次3號都冇咁大風丫...

好心就早少少掛..

塞車同人多就可能避免唔到..

起碼走個陣個環境唔會咁惡劣丫..

放工個陣頭頂上面仲吹爛左個招牌..

嚇撚死我同GoGo....~.~''

香港仔快d有MTR喇....pls....

番緊新工...

真係好hea..好hea..同好好hea...

除左食野..sleep..上網同企之外..都唔知自己仲有乜可以做..

要放假唔要錢..

人工少千幾二千三千or四千....

少少赤..

第二次喇...

DAY OFF掛正波............

月頭一次月尾一次...

真係喊......都無謂......